Şu günki gazette çykypdyr goşgyň,
Ýanynada ýelmenipdir suratyň.
Goşgularňy şeýle gowy göremsoň,
Suratyňam içgin-içgin synladym.

Goşgyň bilen syrdaş bolup oturdym,
Ýazypsyň bir gyzy çaksyz söýýäniň.
Arzuw etdim,
"Wah, şol gyz men bolsadym",
Hem düşündim nämedigne söýmäniň.

Ah, gizläp nädeýin seni haladym,
Sen bolarly, şu çaka çen gözlänim.
Seniň gözleňdäki üýtgeşik mähri,
Görmedim men gözlerinde özgäniň.

Öňler "Söýgi näme?" diýseler maňa,
Jogabyna egnim gysyp oňýardym.
Söýgä duşup ykbalymy tapdym men,
Täleýimiň sendedigni aňmandym...

Aýjeren Ýazdurdyýewa