Agaçlar solup galdy
Bu günleň yssysynda.
Sergin şemal ýat boldy
Bu günleň yssysynda.

Gün ýakyna gelen dek,
Çynam misli ýalan dek,
Guşlar uklap galan dek
Bu günleň yssysynda.

Gündüziň howry ýeter,
Gije ondanam beter,
Ukysyz daňlar atar
Bu günleň yssysynda.

Epgek tolkun atyp dur,
Ekinleri ýakyp dur,
Daýhan nalaç bakyp dur,
Bu günleň yssysynda.

Demir ýakýar elimiz,
Suw bişirýär golumyz,
... Dowam edýäs ýolumyz,
Şu günleň yssysynda.

Ş. A. ýa~da G. Ý.