"Men gideýin..."
MEN GIDEÝIN...
Saklama!
Barybir, saklatman,
Çeksem çekeýin gerdiş men.
Bu ýollarda maksadyma
mynasyp myrat görmüş men.
Ýola sal!
Ýykma sözümi.
Göter ýerden gül ýüzüňi.
Gözläp ýören öz-özüni
bir töwra adam ermiş men.
Galmaýyn!
Meni egleme.
Besdir elewläp engenme.
Öz bitakat ýüregmi
alys ýollara bermiş men.
Gideýin!
Bolma binjalyk.
Gaty ýadadym dynç alyp...
Ýolum baglamaz kynçylyk,
Bilýäň-ä, muňa werziş men.
Ugrat!
Goý, çekme sen ahy.
Ýok, gitmesem bolmaz ahyr.
...Men ýa derwiş ýürek şahyr
ýa şahyr ýürek derwüş men...
Annamuhammet KIRŞENOW.
Saklama!
Barybir, saklatman,
Çeksem çekeýin gerdiş men.
Bu ýollarda maksadyma
mynasyp myrat görmüş men.
Ýola sal!
Ýykma sözümi.
Göter ýerden gül ýüzüňi.
Gözläp ýören öz-özüni
bir töwra adam ermiş men.
Galmaýyn!
Meni egleme.
Besdir elewläp engenme.
Öz bitakat ýüregmi
alys ýollara bermiş men.
Gideýin!
Bolma binjalyk.
Gaty ýadadym dynç alyp...
Ýolum baglamaz kynçylyk,
Bilýäň-ä, muňa werziş men.
Ugrat!
Goý, çekme sen ahy.
Ýok, gitmesem bolmaz ahyr.
...Men ýa derwiş ýürek şahyr
ýa şahyr ýürek derwüş men...
Annamuhammet KIRŞENOW.
3 комментария