Bu zatlaň bary...
Bu zatlaň barysy kalbymy dilýär:
Nirede galdyň sen ejemiň öýi?
Hany geçen günler tozana çümen,
Kaýda sen, eý, öýsüz-öwzarsyz daýy?
Hany şäher kän zatlary berjekdi,
Berdi soňsuz gözýaş, gussaly şygyr.
Eger arzuwlarym paşmaýan bolsa,
Bir alaçsyz naçar bolanlygymdyr.
Awtobusda aglap goşgy ýazýaryn,
Meň näme ýazýanym kimiň nä işi?
Diýseň ullakandyr öýden adamlam -
Golaý barsam, sada obaly:ň düýşi.
Asmana meňzeýän arzuwlam bardy,
Ýöne ony kim bilýär?
Köçe. Oba. Tozan. Sypaýy köpek.
Bu zatlaryň bary kalbymy dilýär...
Suraý BABANYÝAZOWA.
1 комментарий