."

Dünýä neneñ kirli
Niçiksi hapa.
Üst-başy nejasat
Çar ýany zibil.
Haramlygy kesp edinen betpälleñ
Pyglyndan duýdansyz tapynyp tebil
Gerdişini aýlap öwrüläýenok.
Çöwrüläýenok
hem sodomlylary
duza öwürşi deý Öli deñzinde.
Şatlyk bar kişiniñ hakyny iýip,
a:ryn basgylanlañ lopbuş meñzinde.
Jähennemiñ ätişgirniñ yzy bar
Sütemkärleñ mañlaýynda, omzunda.
Ejiziñ, naçaryñ mertebesini
Depgilänleñ
hem-de depgilemäge
höweslileñ bili jomrulaýanok.
Dünýä neneñ arsyz,
Niçik binamys
Öz-özi gädilip
ýumrulaýanok!
Gaýtam işi rowaç şer iş tapanyñ!
Al-ha al,
Ur-ha ur,
gapan-gapanyñ.
Iblisiñ okuwyn çykanlar üçin
Loly dünýäñ nämesi bar gyzara?
Bir uranyñ galar, birem depeniñ!
Birem mesligiñe çydaman uwlap
Guduzlan it ýaly herýan bökeniñ.
Älhepus, bu zatlañ ýigrenjiligni,
Añyñy bulaýar betniýet päller.
Şeýtany ozduran ikiaýaklylar
Garawsyz naçarlañ geçjek ýoluna
Taslaýar her daýym müñ dürli a:llar.
Dünýä bulam-bujar,
Tozan,
Batgalyk.
Ýöne gynanamok hapysalygna
(Gynanañda näme, üýtgeýän zat ýok)
Ýöne gözel zatlañ nepisligine
Hapa dünýäñ hapa adamlaryndan
Hemişelik tegmil,
Şek ýetýänine
Gynanýañ,
Gynanman gezip bolanok,
Dünýäni özüñçe düzüp bolanok.
Ne arassalap bolýar,
ne ýuwup,
sylyp.
Nebileñ,
welileñ,
akyldarlaryñ
Dilinden tüý çykmyş diýlip-diýlip.
Heý, arsyz-namyssyz
Nekgende dünýe
Ýit, ýok bol-a, seni gözüm görmesin!
Mysalañ näteñet,
Pormyñ gurasyn!
Has Türkmen