Salam hormatly okyjylar siziň ähliňizi ,,Kim millioner bolmak isleýär,, blogymda hoş gördük.
Her biriňiz bilen ikiçäk geçirilýän sogag jogaply gepleşigimiz ,,Millioneriň 10 syry,, kitabyň düýp mazmuny esasynda taýýarlanylyp, siziň her biriňizde gizlenip ýatan täsin güýjüňizi ýüze çykarmakda kömek eder diýip umyt edýärin.
Soraglary okap ilki öz pikiriňizi beýan edip soňra teswirler bilen deňeşdirip netije çykarmagyňyzy maslahat berýärin.
Her biriňize üstünlik arzuw edýän.

1. Sen baýajakdygyňa ynanýaňmy?

Haçanda bir wagyt baýajakdygyňa ynanmasaň hiç haçan baýamarsyň.
,,Ýeňjegine ynanýan adam hökman ýeňýändir.,,
Adam ukuply bolany üçin ýetenok, ol baýajagyna ynamy bolany üçin ýetýär.

2. Seň islegiň, öňüňden çykan islendik päsgelçiligi(ýöne jan saglygyňa, abraýyňa, halal gazanjyňa zyýan ýetirmezlik şerti bilen) geçip bilermi?

Eger sen şu wagyta çenli baýamadyk bolsaň, onda sende ýeterlik derejede islegiň bolmandygyny aňladýar?
Haçanda sende öňüni alyp bolmaýan isleg dörände durmuş oňa ýetmegiň ýoluny gaty basym görkezýär.

3. Sen durmuşdan näme isleýäň?

Mys ü/n: ,,meň ulag edinesim gelýär, iň bolmanda pylan görnüşdäki ulagym bolsada bolýada.,,diýeniň ýeterlik däl. Sen şol ulagyň markasyny, modelini, reňkini hatda almaly wagtyňa çenli saýlap bir maksada gulluk etmeli, ana şondan soň siziň aňyňyz şol ulagy almagyň üstünde işläp başlar.
4. Seni arzuwyňa ertjek meýilnamaňda näçe mümkinçilik bar?

,,Ähli mümkinçilikleri ulanandyryn öýden çagyň, ýadyňda sakla bu beýle däl...,,

5. Saňa öz isleýän käriňde işlemek üçin ýokary bilim gerekmi?

Ýok. Öz käriňde işlemek üçin ýörite bilimiň ýagny şol käriň islendik tarapyna degişli düşünjäň bolsa bolany.
Hiç bir hukukçam kanunuyň ähli ýerini doly bilenok, ýöne gowy hukukçy kanunyň niresinde näme bardygyny oňat bilýär.

6. Saňa içi altynly ullakan gaty daş berseler sen şoldaşy näçe gezekde urup döwersiň?

,,Daş ýonujy daşy urýar ýöne daş sarsanok. Ýöne ol işini erjellik bilen dowam etse, ahyry bir gün ol daş döwüler. Daşy döwmek üçin ýekeje gezek uranyň ýeterlik däl, ony gaty kän urmaly. Eger üstünlüge ýetjek bolsaň edil daş ýonyjy ýaly hereket etmeli.,,

7. Sen çykdaýjylaryňy gözegçilikde saklap, girdeýjiň näçe göterimini maýaňda tygşytlaýaň?

Çykdaýjylaryňy gözegçilikde saklamak bir gijäniň içinde baýlyk eçilenokda, geljekde hakyky baýlygy döretmäne mümkinçilik berýär.
Munuň haýyrly işdigi görnüp dur. Birinjiden siz hiç kime bergili bolmarsyňyz.
Ikinjiden bu size puluňyzy özüňize işletmäne mümkinçilik berer.

8. Sen öz käriňde şu soraglaryň ählisine anyk ,,hawwo,, diýip jogap berip bilýärmiň?

a) bu kanuna dogry gelýärmi?

Eger kanuna dogry gelmeýän bolsa siziň ýaramazlyga uçrajagyňyz ikuçsyz.

b) bu ahlak arassalygyna dogry gelýärmi?

Işde bolsyn, durmuşda bolsyn tapawudy ýok, iýjek çöregiňi ahlaksyzlyk bilen gazanýan bolsaň, iru-giç edenleriň bary ähli kişä äşgär bolar. Ähli kişi siziň at-abraýyňyza atanak çeker. Şondan soň siz özüňizi nähi duýarsyňyz? ,,Ölüşiňe görä, gömüşim,, diýen nakyl bar.

ç) şu zatlardan soň sen özüňe buýsanyp bilermiň?

Eger siziň edýän zatlaryňyz özüňizi buýsandyrmaýan bolsa, diýmek siz ýaramaz iş edýän bolmaly.

d) edýän işleriňi ýakyn garyndaşlaryň bilenini isleýäňmi?

Eger seniň edýän işleriň maşgalaňy buýsandyrman, tersine, biynjalyk etse diýmek bu -ol işden gaça durmalydygyny aňladýar.

9. Eger şowsyzlyga düşmejegiňi öňünden bilýän bolsaň nähili hereket ederdiň?

,,Inede siziň ikirjiňlenmäňiziň hem-de şüwhäňiziň jogaby. Şowsyzlyga düşmejeňizi bilşiňiz ýaly hereket ediň.

10. Sen öz gazanjyň möçberine garamazdan 10 göterimini haýyr-sahawata ulansaň netijesi nähili bolar öýütýäň?

Baýlyk -bu tohum ýaly bir zat, azajyk daş töweregiňe sepeleseň ol köpelmek bilen bolýar. Ýöne ony ulanman üýşüip goýsaňyz ondan çykýan erbet yslar daş-töwerege ýaýrap netijede ol çüýremek bilen bolýar.
Birine kömek etmek bilen siz özüňiz hakynda gowy pikir edip ugraýaňyz. Siz jemgyýet üçin nähilidir bir peýdaly iş edip biljekdigiňizi duýýarsyňyz şeýdibem aň asty aňyňyzda ullakan zatlara mynasypdygyňyza ynanýaňyz.

Okamak we peýdalanmak, durmuşumyzdaky maksatlarymyzy hasyl etmek her birimize miýesser etsin.

File engine/modules/thanks.php not found.