Kyn günleriň bagt, eşret isleseň,
Etjek arzuwlaryň däldir bahaly.
Kyn günlerem käte ýatlagyn hökman,
Öňden ykbal seni ýalkan mahaly.

Boljagyny duý, bolmaz diýen zatlaryň,
Wagty gelse soljagyny gülleriň.
Geçer senden, ýaryň taşlar dostlaryň,
Munda saglyk seni taşlan mahaly.

Öz eliňiz bilen gazanmaň duşman,
Sähel-mähel öýke-kine ulaltmaň.
Wagt barka bir-biregi bagyşlaň,
Ýagşylyklar sogap bolýan mahaly.

Ähli adam ýakyn ýaly gözüňe,
Görüüner ýakyndyr şeýle özüňe.
Geçen günler üçin durar ýüzüne,
Başyňda garyplyk duran mahaly.

Adamlaryň görüp bolmaz ýüregin,
Bilip bolmaz akyl alýan melegin,
Sen, sen bol bileniňden galmagyn,
Nätanyşlaň akyl berýän mahaly.

Ynam bolmaz arzuwlarňa, özüňe,
Höwes bolmaz gowy günleň barlygyna.
Ähli kynçylyklar seniň göwnüňe,
Gelip, durup seni tapan mahaly.

Şowsuzlyklar bardyr hemmäň başynda,
Sabyrlylyk bolsun hemmäň aňynda.
Bagt bir bolar seniň ýanyňda,
Taňrydan zehinli derman mahaly.

Köpçülik ýerinde goýulsa hormat,
Ähli zatdan saňa, diňe şol gymmat.
Dirä ömür dile, ýoklara jennet,
Hormatyň entekler ýaşan mahaly.

Ýagşy ýamanlaryň geçer öňünden,
Adamam, a'hyry ýadar özünden.
Berilen amanat çykar ýerinden,
Ajalyň adama ýanan mahaly.

Öňem bir şahyryň aýdyşy ýaly,
Ýazalyň goşgyny ýazylýan wagty.
Ynsana arzuwlap ýetilmez bagty.
Ylham çeşmäň dolup, gaýnan mahaly