Gyrma meniň gantymy,
Gantym gerekdir saňa...
Gözel Şagulyýewa

*****
Perişdesiň dörän daňa
Ýelekleriň bezeg saňa
Ganatyň gerekdir maňa
Gyrman seniň ganatyňy

Erbetlige şer işdesiň
Ýagşylyga her işdesiň
Arzuwlanan perişdesiň
Gyrman seniň ganatyňy

Uç, ýagşylygyň şanyna
Terk eýlap, batma janyma
Dolansaň meniň ýanyma
Gyrman seniň ganatyňy

Dolanmasaň-kysmat... (ýagşy!)
Bolgyn baky ömrüm nagşy
Bolman asla menem wagşy
Gyrman seniň ganatyňy


Ylham GURBANALYÝEW (2021)