Ýyly ýürekde doňupsyň
Özge ýürek maýylmydy?
Ýalanyň bilen daňypsyň
Şeýtmek saňa haýyrmydy?

Geçmişim galdy endişde
Senden başga söýülmedi
Ýandy janym bu durmuşda,
Yşkdan güýçli köýülmedi

"Men göreşerin"-diýipdiň,
Beýle bagtdan doýulmady
Nokady-da sen goýupdyň,
Menden asla goýulmady

Sagat bedenmiň çep ýany,
Öňler beýle gyýylmady
Sözler bilen aldy jany,
Jenaýatdyr diýilmedi...


Ylham GURBANALYÝEW (2021)