Bersin mydam baş many,
Haýry şere goşmany.
Döretmesin puşmany
Agzymyzdan çykan söz.

Ýagşy sözde nur bolar,
Ýaman gepde go:r bolar,
Ýerin bilseň ýar bolar,
Agzymyzdan çykan söz.

Egnimize deň bolsun,
Depämizden kem bolsun,
Şere şärik~sem bolsun,
Agzymyzdan çykan söz.

Göz görer kän zatlary~
Abadu~bibatlary.
Köňlümiz nygmatlary
Agzymyzdan çykan söz.

Kemal bardyr kemlikde,
Ahmyr az bor kem gepde,
Galdyrmasyn tümlükde
Agzymyzdan çykan söz.

Köpdir ilde gül senem,
Öýüňdedir Gülsenem.
Abraýdyr, ýogsamam...
Agzymyzdan çykan söz.

Synymyz~ýeňimizdir,
Aýagu~elimizdir.
Öz içki ,, Menimizdir",
Agzymyzdan çykan söz.

Ş.A~G.Ý