EZIZ OBAM WEKILGALA OBASY

Töwerege bagtlylygy paýlaýar,
Eziz obam-Wekilgala obasy,
Munda her bir adam bagtly ýaşaýar,
Eziz obam-Wekilgala obasy.

Jüneýt hanyñ hökům süren mesgeni,
Mydam toý dabara,bolmaz pes güni,
Şatlyk bilen geçirýärler her güni,
Eziz obam-Wekilgala obasy.

Adamlary bardyr juda nurana,
Misli Oguz han dek paýhasly dana,
Ýigitler Görogly ýaly merdana,
Eziz obam-Wekilgala obasy.

Şatlyk bilen gülkä mydama baýdyr,
Ýigitler gerçekdir,gözeller Aýdyr,
Gözelligi Erem bagyna taýdyr,
Eziz obam-Wekilgala obasy.

Gözellerni wasp etse islendik şahyr,
Tarypy gutarmaz,bolmaz hiç ahyr,
Gözellermiz Zöhre,ýigitler Tahyr,
Eziz obam-Wekilgala obasy.

Köçeleri bardyr örän enaýy,
Beki Seýtek,Magtymguly Pyragy,
Jüneýt handan miras galan galaly,
Eziz obam-Wekilgala obasy.

Oguzhan hem Kümüşdepe köçesi,
Gündizden görklidir gözel gijesi,
Bagt ýolunda mydam çüwen bijesi,
Eziz obam-Wekilgala obasy.

Durdy Gylyç şahyr goşgular düzdi,
Beki Seýtek nagyşdan kitaplar ýazdy,
Ikisi hem Wekilgala daragty,
Eziz obam-Wekilgala obasy.

Şöhrata,bilime beslenen mekdep,e
Ak mekdebim 18-nji mekdep,
Köpläp ägirtlere berendir edep,
Eziz obam-Wekilgala obasy.

Ýatladyp durandyr ol Bedirkendi,
Gözeldir islendik künjegi-kendi,
Men Arslan hem Wekilgala perzendi,
Eziz obam-Wekilgala obasy.

Gündogarda Wahym,çölüm ilerde,
At-owazyñ mydam meşhur illerde,
Adyñ dessan bolup galar dillerde,
Eziz obam-Wekilgala obasy.

(C) Annadurdy (Arslan) Otuzow
2016