Belki...
Belki men hakynda pikir edýänsiň,
Sözlerme meňzeş söz eşden mahalyň.
Ýüregime öz köküni ýaýratdy,
Seniň tarpa eken söýgi nahalyň.

Belki meni görýänsiňem düýşüňde,
Huşuňda duşaýsaň kejir gyzlara.
Maňa sowgat beren söýgi şemalyň
Alyp gider güläleksiz ýazlara.

Belki ýazlar içre gözlärsiň meni,
Duýmarsyň kalbymda gar ýagdyranyňy.
Aýly gijäň şöhlesiniň astynda
Duýmarsyň näumyt galdyranyňy.

Belki kesişmezem biziň ýolumyz,
Duşmarysam bolmasa bir saý-sebäp.
Arman bolan kalbymdaky söýgimi
Diňe özüm üçin saklaryn aýap.
Sona Halykowa