Kesmeklän ýaralar kimin,
Şor etmäwöri maňlaýym,
Agzym aşa ýeteninde,
Bişirmäwöri taňaýym.

Agy-garasy gözümiň
Saýgarşy deýin, tümlügi.
Batgaýa çümezim ýaly.
Bilsedim kimiň-kimligin

Göni ýollarda büdretmän,
Egri ýollarda ýykmawör,
Çekip jylawuny nebsiň,
Nähaklyklardan saklawör

Biri aglan mahalynda,
Daş edewör gülmeklikden,
Biriniň şan-şöhratyna,
Bahylanyp ýörmeklikden.

Gözli kör etme, bagtymyň,
Geçmezim ýaly deňinden,
Öte geçjek-geçjegimde,
Çekerim ýaly ýeňimden.

Uzak hem sagdyn ýaşamak,
Uly islegi ynsanyň,
Barlykdan ötünçäm Baka,
Küteltmäweri ynsabym.

Gurbanmämmet MEREDOW.
Siziň pikiriňiz möhüm.