ABŞ-nyň dünýä belli “Apple” kompaniýasy däp bolan güýzki tanyşdyrylyş çäresini gurnady. Onda kompaniýanyň öndürýän dünýä belli “iPhone” samrtfonynyň täze görnüşini hem-de täzelenen “akylly” sagadyny we nauşniklerini tanyşdyrdy.

Kompaniýa “iPhone 14” we “iPhone 14 Pro”, şeýle hem “iPhone 14 Plus” we “iPhone 14 Pro Max” ýaly smartfonlaryny jemgyýetçilik köpçüligine ýetirdi.

Ähli modeller has ýokary öndürijilik üçin temperatura gözegçilik tehnologiýasy bilen enjamlaşdyrylan we konfigurasiýa baglylykda bir zarýadda 24 sagat ýa-da ondanam köp dowam edip biler.
Surat we wideo düşürmek wezipeleri hem giňeldi. Şeýlelik bilen, titreme wagtynda suraty has durnuklaşdyrmak üçin döredilen “Action Mode” tertibi peýda boldy. “iPhone 14” we “iPhone 14 Plus” -da 12 megapiksel esasy kamera bar.
Smartfon modellerinde SIM ýeri bolmaz, ýöne dürli operatorlaryň arasynda geçmek bilen eSIM-i goldar.
“iPhone 14 Pro” we “iPhone 14 Pro Max” güýç tygşytlylygyny, displeýi we kamera mümkinçiliklerini ýokarlandyrýan täze A16 çipine eýedir. Smartfonlar artýan ýagtylyk bilen işläp bilerler. Şeýle hem “Dynamic Island” atly täze bildiriş animasiýalary bar. Esasy 48 megapiksel kamera eýedir.
TÄZE TELEFONLARYŇ BAHASY

«iPhone 14» (128 GB) — 799 amerikan dollary;
«iPhone 14» (256 GB) — 899 amerikan dollary;
«iPhone 14» (512 GB) — 1099 amerikan dollary.
Enjam 16-njy sentýabrda satuwa çykarylar.

Şeýle hem “AirPods Pro 2.” nauşnikleri hem satuwa çykarylar. Mundan başga-da, “Apple Watch Series 8”, “Apple Watch SE” we täze kämilleşdirilen model “Apple Watch Ultra” akylly sagatlary köpçülige ýetirildi.

File engine/modules/thanks.php not found.