EJEME

“Gel” diýdiň,
Duýman ekenim,
“Gel”-iň manysyn.

Belki maňa, garaşýansyň henizem,
Güýz geçdi, gyş geçdi, geçip barýa ýaz,
Aýralyga dözmändiň sen, dözmediň.

Ajy habar!
Ýuwutdym men agymy,
Bozulman saklandym,
Bozuldy şygrym,
Ýüregimiň bir bölegi çaýkandy,
Köze düşen ýaly tutaşdy bagrym.

Agyr, agyr, agyr
Aýralyk agyr,
Biraz ýeňillikdi seniň barlygyň,
Ýoklugyňa bu dem ynanmasam-da,
Agralanny duýýan,
Bu aýralygyň.

Indi sen ýok,
Seň ýoklugyň bu dünýäniň boşlugy,
Ýaşaýşyň puçlugy.

Indi sen ýok,
Seň ýoklugyň,
Ýazlaryňam,
Tomuslaňam,
Güýzleriňem,
Gyşlygy.

Gel diÿdiñ …

Ybrahym B.