Her sapar biz bir adamdan başga adama geçýän adatlar,gönükmeler,hekaýalar,aýdym ýa-da bir täzeligi özleşdirýän wagtymyzda memler bilen işleýäris.Ylmy teoriýalar bilen bir hatarda,memler baradaky teoriýanyň özi hem bir mem hasaplanýar.Mem umumy darwinizm teoriýasyndan gelip çykýar:ýagny,islendik maglumatyň göçürülmegi,özleşdirilmegi we saýlanmagy hakyndaky ideýa ewolýutsiýa netijesinde elbetde öz ornuna eýe bolýar.

Bize mälim bolan iň esasy replikator bu gen hasaplanýar.Ýöne,1976-njy ýylda Riçard Dokinz medenýeti goçmaça replikatordan ybarat diýip hasaplaýar we ony "Mem" diýip atlandyrýar.Adamlar öýkünmek we öwrenmek arkaly memleri göçürüp alýarlar(şu jümleden,ideýalary,gönükmeleri hem-de hereket modellerini).Göçürüp alan zatlarynyň ýalňyşlyklaryny dogurlamak ýa-da döredijilikli çemeleşmek arkaly,bilgeşleýin aňly ýagdaýda düzedişler girizýärler.Üýtgedilen we düzediş gizirilen memleriň haýsy birini saklap galmalydygyny ýa-da haýsy birini ýaýratmagy adamlaryň özi çözýär.

Mametika ylmy memleriň nähili ýagdaýda ýaýrandygyny we näme sebäpden käbir memler üstünlikli çykyp,beýlekileri şowsuzlyga duçar bolandygyny hem-de,munuň medeniýete edýän täsirini öwrenýär.Umuman aýdanda,käbir memleriň ýaýramagynyň sebäbi,olaryň biz üçin peýdaly we amatly bolmagy bilen baglydyr.

Mysal üçin: Peýdaly memler,ylym we medisinanyň bölümleri,maliýe institutlary,saz we sungatyň görnüşleri şuňa meňzeşler degişlidir.Başgalary peýdasyz we zyýanly bolsa-da,edil wirus ýaly ýaýrap gidýär.Biz adamlar memler üçin diňe daşaýjy bolup hyzmat edýäris.Olar köpelmek we ýaýramak üçin bizden peýdalanýarlar.