Men mawy asmanyň aşygy juda,
Men mawy asmanyň mejnuny bilseň.
Men söýýärin mawy asmanyň reňkin,
Men söýýärin mawy asmanyň görkin.

Üstüme nur çaýýan, günden gabanyp,
Bulutlaryň saýa salmasy bardyr.
Bu barlykda synmaz söýgimi, görüp,
Ýyldyrymyň talaň salamasy bardyr.

Salam ýollap ýelden meniň söýgimiň,
Suratyny çekýän älemgoşara.
Ýagmyr dertdeşimdir, derdim diňlejek,
Syrym aýdyp, içim döküp boşara.

Aý bolsa, meň dostum ol mydam meniň,
Gijeler ýoluma nuruny dökýär,
Ýalňyzlyga dözmeýän deý ýyldyzlar,
Gözün gyrpa-gyrpa alnymdan çykýar.

Garaz bu gözellik, ajap dostlarym,
Keşbimden ahwalym dessine duýýan,
Salam diýsem, jogap berýän salam diýp.
Şoň üçinem mawy asmany söýýän.

Gurbanmämmet MEREDOW 18.09.2022 Ý