... Indi meň sözüme gulak goýsaňyz,
Ol gözeliň hüýr jemaly bar eken.
Göwün berse, ot deý ýandyrjak mähri,
Üflänine buz şemaly bar eken.

Gaş asty kirpigne janyň dözmeli,
Ýerden geçip ýaşalmaly gözleri.
Ömrüňe öpseň-de, doýman ölmeli
Leblerniň bulduran baly bar eken.

Bir biwatan ýelem bolsan, gös-göni
Şol gözeliň deňesinde tesmeli.
Ir-iýmişli, gül-gülzarly, çeşmeli
Jülgesi, deresi, dagy bar eken.

Boýy uzyn uçut gara siline,
Örümden sahelçe ýogyn bili-de,
Sözdür gylygyna ser salsaň siňe,
Edep göreldäniň käni bar eken.

Yşkynda sowaman, gaýta müň gyzyp,
Söz aýdamda açdy maňa dost syryn.
Hyrydar göz bilen bakmaň, dostlarym,
Bagty gelen bir ýigidiň ýary eken.

Wepa Pirnepesow