01.01.2023 senede takmynan gije sagat 04:00 töweregi Türkiýäniň atv kanalynda "Son siğinak atly bir kinofilm boldy. Kinoň animasiýasyna aşyk boldum. Türkmenler şeýle kinony haçan çykararkalar? Kinony dolulygyna diýen ýaly gördüm. Kinoň montaž işleri şeýle bir ussatlyk bilen işlenilipdir welin, gözüňdäki ukyňy gözüňden uçurýar.
Kinofilm kosmosdan Ýere gaçýan meteoritler barada gidýär. Ýer şary meteor ýagyşyna sezewar bolýar. Kino diýseň gyzykly, her bir pursat hakyky durmuşa meňzeýär, ýagny, montaždygy bildirenok diýjek bolýan. Daşlaryň Ýere, uçup barýan wertelýotlara, ýerdäki maşynlara, şäherlere degip hakyky bolup biläýjek wakalary ussatlyk bilen wideoşekile geçirmek näderejede kyn işdir?! Göýä hakyky wakalary kamera alyp, hakyky bolan wakalara telewizorda tomaşa edip oturan ýaly... Şol kinoň rus dilindäkisini alyp täzeden görmeli. Sebäbi türkler belli meşhur kompaniýalarynyň emblemalaryny (bizde emblema diýilýär, asly öz adyny bilemok :) Emblema şulara aýdylýar: maşynlaryn markalary, meselem, maşyn bmw bolsa şol bmw belligi gizleýär. Islendik maşyn bolsa bolaýsyn, znaklaryny gizleýär. Diňe maşyn däl, köçedäki islendik önümleriň markalary gizlenilgi) gizläp görkezýär. Spirtli içgiler, çilimler, gizlenilýär, hapa-paýyş sözleri sessiz goýýar, söýgülileriň posalaryny we beýleki gatnaşyklaryny gyrkyp aýyrýar. Bu bolsa kinoň lezzetini gaçyrýar. Gaharyňy getirýär. Biriniň bir ýeri çapylsa, döwülse, gan aksa, eli gopsa, aýagy ... wakalaryň ählisi gizlenilýär. Biz-ä şol ýerleri gyzykly, eliniň nädip gopuşyna tomaşa etjek bolýaň welin, resga gizleýärler (pozuk-pozuk görkezýär).
Indi kelläňe gelmejek soragy orta atýan, TÜRKMENLER şuňa meňzeş kinolary haçan döredip başlarlarka?!...