AHMAL...

Ýene duşduk, sataşdyrdy ýolumyz,
Bir-birege bakyp, durus biz sarsman.
"Hoşlaşybam sowaşmandyrs doly biz"
- diýsem, pikirlenmän diýýärsiň: "Ahmal..."

Aýaklarym alyp galmady senden,
Diýmediň: "Meň bilen gitmek däl hökman!"
"Ozaldan näzleriň agdykdy çenden"
- diýsem, bir güldüň-de, diýdiň sen: "Ahmal..."

Bitakat ýürekde gopýar gaý-tupan,
Her bir urgusynda nala bar, ah bar.
- Derdin beren dermanyny bermezmi?
Lukman dodaklardan eşdilýär: "Ahmal..."

"Ýürekden söýseň-de, söýmediksiräp,
Galmazmy, heý, meniň içimi ýakmaň?"
Jogap bermek nire!
Gözlerme garap,
Ýene ýylgyrýaň-da, diýýäň sen: "Ahmal..."

Wepa Pirnepesow