1950-nji ýylda Brazilýanyň Marakana stadionynda geçirilen dünýä çempionatynyň finalyny tomaşa etmek üçin stadiona 199 müň 854 adam gelipdir.

***

Finlandiýanyň legendar oýunçysy Pentti 1986-njy ýylda geçirilen futbol duşuşyklarynyň birinde öz derwezesine 5 pökgi geçirdi. Oýundan soň, ýoldaşlary Penttä kompos alyp beripdirler.

***

Kolumbiýa bilen oýunda 11 metrlik jerime urgularynyň 3-sini dürs ýerine ýetirip bilmedik argentinaly Martin Palermo halkara duşuşyklarynda bir oýunda iň köp jerimäni köýdüren oýunçydyr.

***

EURO — 2008-iň saýlama duşuşyklarynda Germaniýa San Marinony myhmançylykda 13:0 hasabynda ýeňdi. Bu bolsa Ýewropa çempionatynyň saýlama tapgyryndaky iň uly hasapdyr.

***

1957-nji ýylda ,,Сharlton Athletic” topary oýnuň tamamlanmagyna 30 minut galanda 5:1 hasabynda ýeňlip barýardy. Oýun ahyrky netijesi 7:6 hasabyna ,,Сharlton Athletic” ýeňşi bilen tamamlandy. Elbetde, garşydaş tarap arkaýynlaşandyr-da!

***

Mihael Ballak 29 gezek finalda oýnady we hemmesinde ýeňildi. 3 gezek Ballon D’ora mynasyp görülse-de, ony gazanyp bilmedi.

***

M.Ýunaýtedli Rumelu Lukaku iňlis,fransuz, ispan, portugal, flamen, swahili dillerini bilýär.

***

Italiýaly telekeçi Jampaolo Angeluççi ,,Roma” komandasyny 100 million ýewro satyn almaga taýyndygyny aýtdy.

***

Şikes sebäpli iň uzak wagtlap arakesme berlen oýunçy ,,Real Madridden” ,,Milana” geçen Fernando Redondodyr. Ilkinji oýunda bary-ýogy 3 minutdan soň, dyzyndan şikes alan oýunçy, şol şikes sebäpli 2,5 ýyllap futbol oýnap bilmeýär. Redondo munuň üçin ,,Milanyň” özüne tölän puluny, öýüni we maşyny yzyna bermek islese-de, topar bu teklipden ýüz öwürdi.