...Käte düşünip durmuşa,
Göwnüme getirsem gussa,
Eje, meni çagajyk deý
Gujakla, ellermi gys-da.

Ynanaýyn bu synagly
durmuş oýun däldigine.
Goýberilen hatalaryň,
Akylly bir dälidigne.

Kä ýykylsam, saýgarmasam,
Ýollaryň beýigin-pesin.
Gujagyňda başym goýup,
Dökeýin ýüregmiň posun.

Hasapsyz zat ýok ahyryn,
Göwünde goýma:ly kine.
Ykbaldan haýyş eýlesem,
Mähir berermi kireýne?!

Ýok, seň ýazdan ýyly mähriň,
Tapylgysyz genji-baýlyk.
Hakdan soňra enelere,
Baş egýändir ähli barlyk.

Ýylgyr, birje ýylgyrşyňa,
Bütin dünýämi bererin.
Barlygym, baýlygym, barym
Sensiň Ýerdäki melegim!

Nury SAKÇYÝEW
Çeşmesi: ,,Garagum" žurnaly, 3/2022