ÝÜZLENME!
Salam gadyrdanlar!
Ýadyňyza düşýän bolsa, siz bilen “Jomartlyk” temada bir işjeňlik gurnapdyk. Şu günem şeýle işjeňlik gurnamagy maksat edindim. Sizem garşy bolmasaňyz, ählimiziň boşurak bolýan sagatlarymyzda, agşam 21:00-da başlasak nähili bolar?
Aramyzda täze gelen agzalar bar bolsa, şertlerini bilýän däldirler. Men size ýene düşündirerin.
Onda şeýle. Agşam 21:00-da mümkin bolsa ulgamda bolmaga synanşyň. Siz bilen öwrenme we öwretme usullaryny ýerine ýetirmekçi. Belki okuwçy wagtyňyz gabat gelensiňiz bu usullara. Şu günki usulymyzyň ady “STANSIÝA USULY” bolsun. Bu usul barada gysgaça aýdyp bereýin. Bu usulda gatnaşyjylar toparlara bölünýär. Her topara bir iş berýäs. Meselem bir tema boýunça goşgy düzmek, surat çekmek ( bu bu ýerde mümkin däl diýip pikir edýän), şygar ýazmak, hekaýa ýazmak we ş.m. Diýeli birinji topar dostluk barada goşgy ýazdy. 2-nji tapgyrda ikinji topar 1-nji toparyň ýazan goşgusynyň yzyny dowam etdirmeli. Her toparyň bir lideri bolýar. Oýunyň asyl düzgüninde liderler ýerinde galýar. Oýunçylar ýerlerini üýtgetýär tapgyra görä. Emma bulam-bujarlyk bolmaz ýaly, men siziň liderleriňizi üýtgetmeli diýip pikir edýän. Lider toparynyň ýazan zatlaryny jemläp doly görnüşde bize hödürlemeli. Kyn zat ýok. Esasy grupba bolup işleşmeli. Bu usulyň peýdasy dil, el ukyplarymyzy we başarnyklarymyzy ýüze çykarmak.
Men sizi 4 sany topara bölmekçi. Her topardan minimum 4-8 adam bolsun. Toparlaryň ýerine ýetirmeli işi “Goşgy, Makala/Hekaýa, Degişme, Şygar ýazmak” ( başga näme bolmagyny isleýän bolsaňyz üýtgedip bileris) 1 topar goşgy ýazýar, 1 topar hekaýa we beýleki 2 topar şygar, degişme ýazmaly.
Agşama çenli şu blogda maslahatlaşyp toparlara bölünäýiň. Bir zady berk belläň. Goşgy ýazan topar indiki tapgyrda hekaýa ýa degişme ýazmagy mümkin. Toparlara bölüneniňizde şony gözöňünde tutup bölünmegiňizi maslahat berýän. Araňyzdan bir liderem saýlaň. Bolmasa men saýlamakçy liderleri. Temaňyzy agşam bäsleşik başlanda aýtmakçy. Internetden, kitapdan göçürmek ýok. Diňe öz döredijiligiňiz bolsun.
Onda toparlary we gatnaşyjylary maslahatlaşyberiň. Agşam duşuşarys. :)
30 комментариев