Yşkyñ mertebesi.

Söýgi sakgyç boldy seniñ diliñde
Meñ elimde gurjak boldy yşklarym.
"Söýýän" diýdiñ aýdym kimin ýakymly,
Soñ yzyna aldyñ gaçsa yşnagym.

Bagtlymy biz?
Sen bagtlymy,
Men bagtly?
Ýaryşdyk ýalñyşdan ýodalar ýasap.
Ýeñiji kim? Utulan kim?
Utan kim?
Aýt sen, näçe - näçe gutardy hasap ?

Başymyzda ýaşlygyñ kör ýelgini,
Aklymyzda sowallarmyz kän juda.
Biziñ kimin garan barmy biperwaý,
Söýgiñ soragyna, yşkyñ borjuna?!

"Ätiýaçda duran oýunça" garap,
Oýundan çykmakçy ýeserjeler biz,
Söýgülem däl, aşygam däl, ezizim,
Yşkyñ mertebesin peseldenler biz.

Belki,
Mahym täzedir-ä goşgy?!

Nirvana, howwa.

Iň uly mertebe / hekaýa

Notalarda men şeýle bir saz ýazdym. Ýumşak... Edil sen ýaly. Mylaýym... Edil sen ýaly. Heñi dury... Edil sen ýaly.
Begendim. Elime gyjagymy alyp notalary ritme geçirdim. Ol saña meñzemedi.

Albomyma men şeýle bir surat çekdim. Zenan... Edil sen ýaly. Saçlaryna gyraw düşen... Edil sen ýaly. Gözleri dünýä... Edil sen ýaly.
Begendim. Albomdan ýylgyryp duran zenan saña meñzeýär. Ýöne, ol saña meñzeş däl.

Mähnet gaýada heýkel ýasadym.
Bili ýegşeren... Edil sen ýaly. Bagry girýan... Edil sen ýaly. Gussaly... Edil sen ýaly.
Begendim. Seniñ hamraklygyñy oña siñdirip bilipdirin. Ýöne, onda seniñki deý mähir ýok.

Kemsindim...
"Balam" diýdiler... Edil sen ýaly. "Geldiñmi sag aman" diýdiler... Edil sen ýaly. "Kabul bolsun doga-dilegleriñ" diýdiler... Saña niýetlenen.
Içimden ýüzlendim. Jogap ýok. Gygyrdym "Ejeeeeee!" Öz sesimi diñe özüm eşitdim.


Dowam etdiriň hekaýany. Mertebe bilen baglanyşdyryň.

Aý şuwagt kelle ýaman şäň ?. Belent mertebeli @Belki agza gaýrat etde özüň alyp çyk! ?

??

Waleryanka,
Nämesi gülkünç? ??

Ýör gideli jümmüşine ýaşlygyñ,
Örklenmedik erkimiziñ üstüne,
Başymyzda gaýmalaýan guşlaryñ,
Biz yralap oýaraly dessine.

Seniñ, doñan gussañ eräp dammasyn,
Şatlyk aksyn, bulduraýan çeşmiñden,
Kalbyñdaky gozgan umyt dömmesin,
Ýa:raly.
Çaýylsyn,
Seniñ Keşbiñe....

Eý, Hormatlym!
Onyñ aly hezreti,
Gel, Biz indi ýaşamaly gaýgydar.
Mertebäm- şu günlere ýetirdiñ,
Ömrümiñ gylla ýary saña bergidar...

Remezan Mämetgurbanow

19.02.2023ý

* Ömrümiñ gyllasy saña bergidar...

Kellani bahana edishin gulkunc:)

Kellani bahana edishin gulkunc:)

Waleryanka,
Şäň bolsa şäň diýerindä ?

Massimusyň zakazyny bitiremok häli men... Üstesininede bu... ?

Galanny ertir oýnaýalyňla oglanlar. Özümem birzatlar çyrşardym welin...

Bilýäñmi näme, eje, goşguda aýdýar-a "Şahyrçylyk eden bolýan kä günler" diýip. Menem soñky günler "şygyrlar" ýazýan. Setirleriñ, sözleriñ owazly sazlaşyşy şeýle bir hoşuma gelýär welin... Bu edil asmanda uçmak ýaly. Özüñi ýeñil, guş ýaly duýýañ. Onsoñ ýazdygyñça ýazasyñ gelýär. Ýöne setirlerimi hiç kime görkezemok. Kime görkezeýin diýsene. Kim bar syrymy syry saýyp, içki dünýämiñ pynhan künjeklerine aralaşjak? Barybir...
Barybir, men olary synpdaşym Aýjemala görkezdim. Ýogsa-da saña bir syr bereýinmi, eje?! Men ony halaýan. Nämesini halaýañ diýýäñmi? Didäme garanynda ýüzünde bir ýylgyryş döreýär welin, ýañagynda emele gelen çukurjyk seni ýatladýar. Wiý, näme diýip otyrdym-a? Onsoñ Aýjemala goşgularymy görkezdim welin "Ýazyşyñ hiç neneñ däl. Eje hakda ýazan goşgularyñam barmy? " diýip sorady. Men sessizje kibtimi gysdym.
Öýe geldim. Sen hakynda bir zat ýazmalydym. Hökman. Onsoñ bir şygyr döredi galamyñ kagyzyñ ýüzündäki tansyndan. Ol şygry gaýta-gaýta okadym.
Göwnüme ýarady. Ýöne...
Ýöne birdenkä okuwdan ýadaw gelen günlerimiñ birinde köneje sandykdan çykaryp, meniñ körpeje çagakam geýen eşiklerimiñ emaý bilen ýüzünden sypalap,ysgap,öpüp oturan pursadyñ göz öñümde janlandy-da, tutuş ömrümi saña bagyşlap goşgy ýazyp geçirsemem, bu belent mertebeliligi, mukaddesligi beýan edip bilmejekdigime düşündim.

Belki,
??

Alla haky, men hiç zada düşünmedim...
Bäsleşikde: oýlanma, kyssa, makala bölümleri bolar öýtdim...
Umuman, ondan-oňa bökmeli ýerlerine düýbünden düşünmedim. Bagyşlaň şonuň üçin!

Berekella halypa Belki,

Nirvana, indi başga tapgyr ýok dälmi? Işim bardy welin...
Ýeñijini haçan yglan edýäñ? Ýeñiji saýlanmasa gyzygy bolmaz.

Dark Wolf, düşünmänligiñ biziñ grupbamyzda aýlanyp ýörşüñizdenem belli ))

Hemedany,
Şo kitap bamy sende? Nähili öwrenilýär kynmy? Arap dilini çagalygymdan bäri gyzykýan. Köp zatlary derňedim. Henizem bolanok elipden şermende...

Men tejwidden soñ Kurany doly öwrenmedim

Hemedany,
Düşnükli! Sag bol!