W.P. diýilýän agzanyň goşgularyndan
* * *
Köşeşenok seni görmek höwesim,
Ýyllaň kenarynda gol bulap galan.
Sen hakdaky arzuwlarmyň böwedin
Ýogsa men henizem ýykmakçy däl-ä!
Şu günüme bagt diýip düşünýän,
Çünki meni bar alada edýänler
Hem olaryň gaýgysyndan üýşenýän,
Sebäp, kä hal uzaklara gidýän men.
Gözellige edýän öz-özümçe syn,
Güle aşyk gözi bilen bakýaryn.
Görüp onuň açylmadyk gunçasyn,
Söýgimdenem damja-damja sykýaryn.
Öňkim ýaly çykýan gezelenje-de,
Gezmek endigime öwrülen borly.
Onsoňam parahat bu gijelerde
Ukyňa degmedik dert, heý, dert bormy?!
Hawa, men henizem ýykmakçy däl-ä
Sen hakdaky arzuwlarmyň böwedin.
Ýöne nämüçindir düşemok, läläm,
Köşeşenok seni görmek höwesim.
* * *
Seret!
Bimahal syrygan gözýaşlaryňdan
Elýaglygyň ezilipdir bireýýäm.
Näme sebäp boldy?
Biwepalykmy?
Senden ýüzün öwrüp bilen ol haýýar
Ýaşap bilse, ýaşasyn, goý, ýazykly.
Senem beýle ýalançyny unut-da,
Bu pursatlaň ajan gussalarny däl,
Aşyklaň iberen hatlary ýaly,
Zol-zol berjek ýylgyrşyny alyp gal.
Hemem bezen aýnaň öňüne geç-de,
(Nije gün geçipdir bezenmäniňe!)
Öz-özüňe timar berip durşuňa,
Öz-özüňi bagta ýar duý, şükür et
Begenip şu pursat begenýäniňe
Hem ýadyňda sakla,
aglama hergiz,
Heniz seni ýylgyrtjaklar dirikä.
* * *
AHWAL
Bilýän indi meni ýatlamarsyň sen,
Meýilli däl ýatlanmagma özüm-de.
Öz keşbimiň ýoklugyny bilýärin
Köp oglanlaň keşbi galan gözüňde.
Sen ýatlarsyň meni,
saýlan ýoldaşyň
Mertebäňi ýumrup, depelän güni.
Ýöne islämok men gözde ýaşyňy,
Islämok şeýle gün ýatlanmagymy.
* * *
DUŞUP...
Hyýallardan hyýallara gatnadym,
Munda ylham diýen ejire duşup.
Islegim däl, isleglerne utgadym,
Munda ylham diýen kejire duşup.
Gurbatlandym, ejizligi syntgadym,
Munda ylham diýen gujura duşup.
Göz-görtele, öňkimden has üýtgedim,
Munda ylham diýen täjire duşup.
Munda ylham diýen näjüre duşup...
✏Wepa PIRNEPESOW
Köşeşenok seni görmek höwesim,
Ýyllaň kenarynda gol bulap galan.
Sen hakdaky arzuwlarmyň böwedin
Ýogsa men henizem ýykmakçy däl-ä!
Şu günüme bagt diýip düşünýän,
Çünki meni bar alada edýänler
Hem olaryň gaýgysyndan üýşenýän,
Sebäp, kä hal uzaklara gidýän men.
Gözellige edýän öz-özümçe syn,
Güle aşyk gözi bilen bakýaryn.
Görüp onuň açylmadyk gunçasyn,
Söýgimdenem damja-damja sykýaryn.
Öňkim ýaly çykýan gezelenje-de,
Gezmek endigime öwrülen borly.
Onsoňam parahat bu gijelerde
Ukyňa degmedik dert, heý, dert bormy?!
Hawa, men henizem ýykmakçy däl-ä
Sen hakdaky arzuwlarmyň böwedin.
Ýöne nämüçindir düşemok, läläm,
Köşeşenok seni görmek höwesim.
* * *
Seret!
Bimahal syrygan gözýaşlaryňdan
Elýaglygyň ezilipdir bireýýäm.
Näme sebäp boldy?
Biwepalykmy?
Senden ýüzün öwrüp bilen ol haýýar
Ýaşap bilse, ýaşasyn, goý, ýazykly.
Senem beýle ýalançyny unut-da,
Bu pursatlaň ajan gussalarny däl,
Aşyklaň iberen hatlary ýaly,
Zol-zol berjek ýylgyrşyny alyp gal.
Hemem bezen aýnaň öňüne geç-de,
(Nije gün geçipdir bezenmäniňe!)
Öz-özüňe timar berip durşuňa,
Öz-özüňi bagta ýar duý, şükür et
Begenip şu pursat begenýäniňe
Hem ýadyňda sakla,
aglama hergiz,
Heniz seni ýylgyrtjaklar dirikä.
* * *
AHWAL
Bilýän indi meni ýatlamarsyň sen,
Meýilli däl ýatlanmagma özüm-de.
Öz keşbimiň ýoklugyny bilýärin
Köp oglanlaň keşbi galan gözüňde.
Sen ýatlarsyň meni,
saýlan ýoldaşyň
Mertebäňi ýumrup, depelän güni.
Ýöne islämok men gözde ýaşyňy,
Islämok şeýle gün ýatlanmagymy.
* * *
DUŞUP...
Hyýallardan hyýallara gatnadym,
Munda ylham diýen ejire duşup.
Islegim däl, isleglerne utgadym,
Munda ylham diýen kejire duşup.
Gurbatlandym, ejizligi syntgadym,
Munda ylham diýen gujura duşup.
Göz-görtele, öňkimden has üýtgedim,
Munda ylham diýen täjire duşup.
Munda ylham diýen näjüre duşup...
✏Wepa PIRNEPESOW
7 комментариев