Edeniň bar bol-a

Ol
öz gadyrynyň
nähilidigin biljek bolup,
Syrkawlan boldy.
Ýöne ony,
Idemedilerem, soramadylaram.
Ol muňa
gynana-gynana,
Öldi oturywerdi.

****

Ol özüni
Juda gaýduwsyz
Duýýardy.
"Ýokaryk"
çykyp biljegne
gözi ýetse,
Tüweleme dyrmmaşmaga-da
Taýýardy.

****

Bu nähili,
Täsin ahwalat?!
Nahary
gazanda
gaýnatsalar-da,
Ony
jama guýup iýdiler.
Elbetde,
Gazan —
Diňe otda goýmak üçin niýetlenen
ahbetin.

****

Däliniň gepi

Garaňky
gatlyşsa-da,
Sen
garaňka
gatyşma.
Daň atar,
A sen garalygyňa galarsyň.

****

Mysala

Depämden
Tokmaklaýarlar diýip,
Göwün etme,
Şänik dost.
Şeýtmeseň
Seniň maňzyňy alyp bolmaýar.

****

El öz aýasyna düşeni üçin,
Iýmite minnetdar boldy.
Bokurdak iýmit uzadany üçin,
Ele minnetdar boldy.

Garyn welin,
Olaň hijisinden-de
Razy däldi.
Ýogsa...
Doýanam özüdi.


Şu ýokarky okan setirlerňize "goşgy" diýip bolarmy? Bu ýazylyş stili poeziýaň haýsy ugruna degişli, eger şular goşgy bolýan bolsa! Bu şahyryň goşgy ýazyşyny nähili gördüňiz?

*Awtoryny soň aýdaryn (belki köpüňiz tanansyňyzam).Ýogsam, edilen işe şol işi eden adama görä baha bermek häsiýetimiz bar azajygam bolsa hemmämiziň tebigatymyzda.

Jogaplaryňyza garaşýan.