Hemmä aýan dünýäñ soñy puçdygy,
Isle söýüñ, isleseñiz ýigreniñ,
Ýeke söz hem dolýar göwün boşlugyn,
Asman ýaly giñ bolmagy öwreniñ!.

Sabyrsyzlar hoş döwrany sürenok,
Şükürsizler bagtyñ başyn guranok,
Agyr günler başyñ alyp duranok,
Asman ýaly giñ bolmagy öwreniñ!.

Owal başda pak bolmasyn däneler,
Haýyr etseñ sogaplaryñ käneler,
Dymmaklygam sungat diýýär danalar,
Asman ýaly giñ bolmagy öwreniñ!.

Zeýrenmegi endik eden dostlarym,
Ömür gysga, aklyñyza köwleniñ,
Gaýgy-aladaña berilýän zat ýok,
Asman ýaly giñ bolmagy öwreniñ!.

Baýram BEJIDOW