Henizem ganamok.

Henizem ganamok muhapbetiňden.
Gyzgynjak mähriňden nädip ganaýyn?
Ezizim , namysym, mukaddessim sen.
Bagryňa bas, bar ünjiden dynaýyn.

Galaýyn men,ol duýgyly dünýäňde ,
Ähli kemçiligňi görmediksiräp.
Döretdiň dünýämde täze bir dünýe,
Men başga dünýäden barýaryn ýöräp .

Indi igenjiňem göwnüme ýarap,
Sözleri ýaňsylap gülüşen bolýas .
Gussany paýlaşyp, gülkä gülüşip,
Bar zady des-deňje bölüşen bolýas .

Süýjidenem süýji sözler diýsemde
Wasbyňa juda az, murapbagym meň
Her näçe görsemde, näçe söýsemde,
Henizem ganamok muhammetiňden

Gerçeknazar Amannazarow

(28.02.2023)