Adamlary agyr işe gul eden,
Adamlary haram işe başladan,
Ynsaby ýok edip nebissiz goýan —
Pul eken adamlar, kirli pul eken.

Jelepçilik işe — itergi beren,
Wokzallarda küntileri döreden,
"Daça"-larda haram işi ýöreden —
Pul eken adamlar, haram pul eken.

Adamlara men-menligi öwreden,
Mesligi döredip, Haky ýok eden,
Beýhuş edip, azgynlyga ýol eden —
Pul eken adamlar, nejis pul eken.

Din-imana dil ýetirip garalan,
Ençesini Hak ýolundan çykaran,
Ynsanlaryň kellesini üýtgeden —
Pul eken adamlar, şeýtan pul eken.

Parahorluk diýen sözüň açary,
Adamlary "brazzere" meýl eden,
Şu iki setiri, hakykata geçiren —
Pul eken adamlar, iblis (şeýtan) pul eken.

Adalaty masgaralap ýok eden,
Kazyýeti satyn alyp kül eden,
Şu döwürde, özün "Hudaý" hasaplan —
Pul eken adamlar, "Dollar" pul eken.

Bary bidereklik. Hem-de hapalyk.
Pula däl, Muhammete uýalyň!
Din imany kirli pula çalyşmaň —
Şunam edäýmese,
Ynam galmady...

01.03.2023, 09:12.

Ahmet Gurbanmyradow.