GUTLAG
Gözele söýülmek bagtyň seresi,
Ýüzüňe sylmaly günüň bar seniň.
Baýramyňyz gutly bolsun, enesi,
Bu gün desse-desse gülüň bar seniň.

Öýümde özüň bar — bagtyň nyşany,
Nädeýin men başga şöhraty-şany,
Sen bir desti gelen hindi mysaly,
Bäş ogluň — bäş sany piliň bar seniň.

Gözel arzuwlary göwnüňde gizläp,
Gez tämiz kalbyňy ýene tämizläp,
Deň hukuklar berip, seni ezizläp,
Çar tarapyň açan döwrüň bar seniň.


Ynsan duýgularyň süýjüdir baldan,
Göwnüň hem päkize, hem näzik gülden,
Mätäje kömekmi, ejize goldaw,
Kän oňat işlerde eliň bar seniň.

I. Akmyradow