Dert galandyr

Agalar ýaryñ elinden
Ýüregimde dert galandyr
Her gezek bagrym dilende
Ömrüm ýetmän kert galandyr

Yşkyñ ýüki agyr eken
Gerdeniñe maýyr eken
Mert saýylar muny çeken
Namart ýitip mert galandyr

Bendi ederde özüne
Bakarda gara gözüñe
Ynanman ýalan sözüñe
Diýip gitse şert galandyr

Diýdim ýoluñ açyk indi
Söýülmedik bolsam şindi
Resulberdiñ ýaşy diñdi
Diýen sözüm pert galandyr

Resulberdi Rahmanow