Sen dolanmadyñ
Ençe güýzler geçdi, ençe ýaz geçdi,
Ter güller dolandy, sen dolanmadyñ.
Gökde ganat kakyp durna-gaz geçdi,
Ak guwlar dolandy, sen dolanmadyñ.
Kalbymda ýaşaýar kalbyñ jemaly,
Yşk odun köredýär arzuw şemaly.
Sensiñ ykbalymyñ peýker jenany,
Arzuwlar dolandy, sen dolanmadyñ.
Daga bakdym, sensiñ meniñ soragym,
Çöle çykdym başyn atdy Garagum.
Sensiz ýalñyzlaşýar, gysýar ýüregim,
Bägüller dolandy, sen dolanmadyñ.
Men henizem didaryña intizar,
Birmahalky dideleriñe bendi ýar.
Bizi ykbal duşurmazmy indi ýar,
Aý-ýyllar dolandy, sen dolanmadyñ!
Döwletgeldi ANNAMYRADOW
Ter güller dolandy, sen dolanmadyñ.
Gökde ganat kakyp durna-gaz geçdi,
Ak guwlar dolandy, sen dolanmadyñ.
Kalbymda ýaşaýar kalbyñ jemaly,
Yşk odun köredýär arzuw şemaly.
Sensiñ ykbalymyñ peýker jenany,
Arzuwlar dolandy, sen dolanmadyñ.
Daga bakdym, sensiñ meniñ soragym,
Çöle çykdym başyn atdy Garagum.
Sensiz ýalñyzlaşýar, gysýar ýüregim,
Bägüller dolandy, sen dolanmadyñ.
Men henizem didaryña intizar,
Birmahalky dideleriñe bendi ýar.
Bizi ykbal duşurmazmy indi ýar,
Aý-ýyllar dolandy, sen dolanmadyñ!
Döwletgeldi ANNAMYRADOW
Комментариев нет