Çagalykdan bagra basyp,
Öwüt ündew beren kändi.
Ýöne senli güni ýaşyp,
Güni atan ejeñ dälmi?!

Ak süýt berip öz deminden,
Gursak ýūkin çeken dälmi?
Artyk edip öz keminden,
Begendiren ejeň dälmi?!

Hassa wagtyñ lukman bolup,
Tapyp saña derman-däri.
Seni dünýe mülki saýyp,
Goran ýene ejeñ dälmi?!

Baky söýjek diýen ýarlañ,
Bu gün öz sözinden dăndi.
Söz bermänem baky söýjek,
Seni diñe ejeñ dälmi?!

Ýalñyşyña ýalñyş diyip,
Dogry ýola salan kazy.
Saña adyllyk öwreden,
Şu dünýede ejeñ dälmi?!

Aýazly gün mähri bilen,
Ot deý ýanyp öçen dälmi?
Sen ýylanyp otyrýançañ,
Özi üşän ejeñ dälmi?!

Täze geýmän ýamak geýip,
Perzendine berip jany.
Çagam kemsinmesin diýip,
Bagryn dilen ejeñ dälmi?!

Nahar bilen dolduranda,
Bir ullakan demir jamy.
Aç galmasyn balam diýip,
Seniñ aşpez ejeñ dälmi?!

Saña sowat bilim berip,
Akyl berip boldy däli.
Uly adam bolsyn diýip,
Gaýgy eden ejeñ dälmi?!

Ýaşa diýip bagtly durmuş,
Baky ömri geçen dälmi?
Öz geljegin saña berip,
Çalt garran hem ejeñ dälmi?!

Käbà deñäp ejelerimiz,
Ynjytman hem söýen barmy?
Ynjytsañda günäñ geçip,
Ýene söýen ejeñ dälmi?!

Eje bolmak mukaddes zat.
Ya sungatmy ýa-da kärmi?
Janyndan jan beren ynsan,
Keramatly eje dälmi?!

Jemşit Hajymämmedow