Edebiýat agşamy geçiriler
EDEBIÝAT AGŞAMY GEÇIRILER
2-nji aprelde sagat 14:00-da «Kämil bilim» okuw merkeziniň kitaphanasynda edebiýat agşamy geçiriler. Döredijilik agşamynyň myhmany ýaş şahyr Ogulnur Ataýewa bolar.
Duşuşyga gatnaşyjylar Ogulnur barada özlerini gyzyklandyrýan sowallara jogap alyp, onuň bilen gyzykly söhbetdeşlik gurap bilerler.
Habarlaşmak üçin: (+993 63) 46-44-03.
Çeşmesi: https://salamnews.tm/section/jemgyyet/medeniyet/edebiyat-agsamy-geciriler-d58990. 31.03.2023ý.
Ýaş şahyr gyz Ogulnur Ataýewanyň ilkinji goşgular kitaby çykdy
Ýyllar göçýär, geçip barýar, başyňdaky çagalygam,
Köpelýändir durmuş hakda saňa berýän soragymam,
Günler geçdi, soň ýat boldy, şol çägeli Garagumam,
Talyp boldum, men özüme diýipdimle «Bagty çeken»,
Ah, bu bagty gije-gündiz Hakdan dilän, ejem eken.
Ýakynda, özüniň ajaýyp goşgulary bilen tanalýan ýaş şahyr gyz Ogulnur Ataýewanyň “Göwnümiň göwni” atly ilkinji goşgular kitaby çykdy. Kitap Ogulnur Ataýewanyň saýlanan goşgularyndan ybarat. Olarda awtoryň hakyky duýgy-düşünjesi bilen birlikde, durmuş filosofiýasyndan alan tälimi hem öz beýanyny tapýar.
Kitabyň ilkinji sahypasy:
“Garylsa-da ýag bilen suw bir-birine goşulmaýar, gumly gyzyň aýdymyna dagly ýigit düşünmeýär.”
– diýen oýlandyryjy setirler bilen başlaýar.
Ogulnur Ataýewa barada durup geçsek.
Ogulnur Ataýewa 1996-njy ýylyň 5-nji fewralynda Mary welaýatynyň Garagum etrabynda alty gyzly maşgalanyň üçünjisi bolup dünýä indi. Ogulnur 2003-nji ýylda Garagum etrabynyň 1-nji orta mekdebine okuwa baryp, ol mekdebi 2013-nji ýylda üstünlikli tamamlaýar. Ogulnuryň goşgulary ilkinji gezek 2016-njy ýylda “Garagum” žurnalynyň 10-njy sanynda çykdy.
Ogulnur Ataýewa mekdebi tamamlap, Aşgabat şäherinde ýerleşýän Türkmenistanyň Telewideniýe, radiogepleşikler we kinematografiýa baradaky döwlet komitetiniň «Mawy yşyk» başlangyç hünär okuw mekdebine okuwa girýär we 2018-nji ýylda bu başlangyç hünär okuw mekdebini tamamlaýar.
Zehinli şahyr gyz özüniň ukyp-başarnygy we ylahy zehini bilen 2019-njy ýylda Türkmenistanyň Magtymguly adyndaky Ýaşlar guramasynyň Merkezi Geňeşi tarapyndan yglan edilen Türkmenistanyň Ýaşlar baýragynyň eýesi bolýar. Ogulnur Ataýewa, 2021-nji ýylda Magtymguly adyndaky Türkmen döwlet uniwersitetine okuwa girýär. Ogulnur edebi-çeper telegepleşiklere, döredijilik bäsleşiklerine işjeň gatnaşyp gelýär.
Çeşmesi: https://ashgabat.in/2022/05/20/yas-sahyr-gyz-ogulnur-atayewanyn-ilkinji-gosgular-kitaby-cykdy/. 31.03.2023ý.
«Sen»
Dünýäň ähli baýlygyna,
Çalşyp bilmedigimsiň sen.
Gyýylma bitaýlygyma...
Gowşup bilmedigimsiň sen.
Duýgulam ýaşaýar entäk,
Köreýän yşkymy ýelpäp,
Bu ýollarda selpäp-selpäp,
Duşup bilmedigimsiň sen.
Säher durmaz aklygyna,
Ynsan ötmez päkligine,
Henizlerem ýoklugyňa
Alşyp bilmedigimsiň sen.
Ötdi ýaşlygym nalaýa,
Aýt bizi näme baglaýar?
Nika, öý hem bir täleýe,
Duşup bilmedigimsiň sen.
Ogulnur Ataýewa
2-nji aprelde sagat 14:00-da «Kämil bilim» okuw merkeziniň kitaphanasynda edebiýat agşamy geçiriler. Döredijilik agşamynyň myhmany ýaş şahyr Ogulnur Ataýewa bolar.
Duşuşyga gatnaşyjylar Ogulnur barada özlerini gyzyklandyrýan sowallara jogap alyp, onuň bilen gyzykly söhbetdeşlik gurap bilerler.
Habarlaşmak üçin: (+993 63) 46-44-03.
Çeşmesi: https://salamnews.tm/section/jemgyyet/medeniyet/edebiyat-agsamy-geciriler-d58990. 31.03.2023ý.
Ýaş şahyr gyz Ogulnur Ataýewanyň ilkinji goşgular kitaby çykdy
Ýyllar göçýär, geçip barýar, başyňdaky çagalygam,
Köpelýändir durmuş hakda saňa berýän soragymam,
Günler geçdi, soň ýat boldy, şol çägeli Garagumam,
Talyp boldum, men özüme diýipdimle «Bagty çeken»,
Ah, bu bagty gije-gündiz Hakdan dilän, ejem eken.
Ýakynda, özüniň ajaýyp goşgulary bilen tanalýan ýaş şahyr gyz Ogulnur Ataýewanyň “Göwnümiň göwni” atly ilkinji goşgular kitaby çykdy. Kitap Ogulnur Ataýewanyň saýlanan goşgularyndan ybarat. Olarda awtoryň hakyky duýgy-düşünjesi bilen birlikde, durmuş filosofiýasyndan alan tälimi hem öz beýanyny tapýar.
Kitabyň ilkinji sahypasy:
“Garylsa-da ýag bilen suw bir-birine goşulmaýar, gumly gyzyň aýdymyna dagly ýigit düşünmeýär.”
– diýen oýlandyryjy setirler bilen başlaýar.
Ogulnur Ataýewa barada durup geçsek.
Ogulnur Ataýewa 1996-njy ýylyň 5-nji fewralynda Mary welaýatynyň Garagum etrabynda alty gyzly maşgalanyň üçünjisi bolup dünýä indi. Ogulnur 2003-nji ýylda Garagum etrabynyň 1-nji orta mekdebine okuwa baryp, ol mekdebi 2013-nji ýylda üstünlikli tamamlaýar. Ogulnuryň goşgulary ilkinji gezek 2016-njy ýylda “Garagum” žurnalynyň 10-njy sanynda çykdy.
Ogulnur Ataýewa mekdebi tamamlap, Aşgabat şäherinde ýerleşýän Türkmenistanyň Telewideniýe, radiogepleşikler we kinematografiýa baradaky döwlet komitetiniň «Mawy yşyk» başlangyç hünär okuw mekdebine okuwa girýär we 2018-nji ýylda bu başlangyç hünär okuw mekdebini tamamlaýar.
Zehinli şahyr gyz özüniň ukyp-başarnygy we ylahy zehini bilen 2019-njy ýylda Türkmenistanyň Magtymguly adyndaky Ýaşlar guramasynyň Merkezi Geňeşi tarapyndan yglan edilen Türkmenistanyň Ýaşlar baýragynyň eýesi bolýar. Ogulnur Ataýewa, 2021-nji ýylda Magtymguly adyndaky Türkmen döwlet uniwersitetine okuwa girýär. Ogulnur edebi-çeper telegepleşiklere, döredijilik bäsleşiklerine işjeň gatnaşyp gelýär.
Çeşmesi: https://ashgabat.in/2022/05/20/yas-sahyr-gyz-ogulnur-atayewanyn-ilkinji-gosgular-kitaby-cykdy/. 31.03.2023ý.
«Sen»
Dünýäň ähli baýlygyna,
Çalşyp bilmedigimsiň sen.
Gyýylma bitaýlygyma...
Gowşup bilmedigimsiň sen.
Duýgulam ýaşaýar entäk,
Köreýän yşkymy ýelpäp,
Bu ýollarda selpäp-selpäp,
Duşup bilmedigimsiň sen.
Säher durmaz aklygyna,
Ynsan ötmez päkligine,
Henizlerem ýoklugyňa
Alşyp bilmedigimsiň sen.
Ötdi ýaşlygym nalaýa,
Aýt bizi näme baglaýar?
Nika, öý hem bir täleýe,
Duşup bilmedigimsiň sen.
Ogulnur Ataýewa
11 комментариев