Owganystanda "Talyban" Ýaragly Güýçleriniň sanyny 200 müň adama ýetirmegi meýilleşdirýär.Bu barada "Talyban" goşunlarynyň baş ştabynyň başlygy Fasihuddin Fitret mälim etdi.

"Indiki ýyl harby gullukçylarymyzyň sanyny 150 müňden 170 müňe çenli artdyrmaga we ýuwaş-ýuwaşdan 200 müňe ýetirmägi meýilleşdirdik" diýýär Fitret.

2021-nji ýylyň awgust aýynyň ortalarynda Owganystanda häkimýeti ele alanlarynda "Talyban" esgerleriniň sany 100 müň adama ýetipdi.2022-nji ýylyň fewral aýynda bolsa "Talyban" wekilleri öz Ýaragly Güýçleriniň sanyny 150 müňe ýetirjegini aýdypdy.

“Global Firepower Index” maglumatlaryna görä,Özbegistanda 50 müň,Gazagystanda 132 müň,Türkmenistanda 22 müň,Täjigistanda 9 müň we Gyrgyzystanda 11 müň harby gullukçy bar.

Şeýlelikde,"Taliban" goşununyň sany, bireýýamdan Merkezi Aziýa ýurtlarynyň goşununyň sany bilen deňeşip bardy.