TOÝDA OKALMADYK GOŞGY

Ýaşlygyň çygryndan çykypsyň, dostum,
Hyýal däl, gazaply hakykat bary.
Indi saňa degjek gümany ýokdur
Gyş pasly gyzlaryň atyşýan gary.

Gözel gyzlardan uýalyp
Üýtgemez gadamyň,
Ýüregiň urşy.
Indi seni humaý gözler ugradyp,
Jadyly nazarlar alaýmaz garşy.

Indi öz-özüňden gülüp ýörmersiň,
Dökmersiň gijeler didäniň ýaşyn.
Aýa bakyp ýar jemalyn görmersiň,
Ýere bakyp eştmersiň ýar sedasyn.

Işden çykyp ýumlugarsyň öýüňe,
Külbäňe çekersiň tapan zadyňy.
Dünýä bir jadyly gyza öwrüle,
Dik boýnuňa geýdirendir hamydy.

Nobatguly REJEPOW