Töwerek-daş gara, gije-de gara,
Mañlaýyma düşen bije-de gara,
Daşlary ak öwsen, içleri gara,
Ak suwdan doldurlan çüýşe-de gara,
Añyrsy bähbitli pişe-de gara,
Dymylsa bilinmez, diýse-de gara,
Içinde it uwlan kise-de gara,
Duýmasañ hezillik, duýsañam gara,
Söýseñem gara, köýseñem gara,
Käteler ýigrenmän, öwseñem gara,
Söwsegem gara, söwse-de gara,
Zeminiñ teýini dörseñem gara,
Uklañda gözüñi ýumsañam gara,
Aklyk gözledim asmana garap,
Bulutlar gara, ýagyşlar gara,
Ýürekler ýara, göwünler ýara,
Bitmejigi hak, dañsañam sarap,
Gözümden görýän saýgarmaýanyn,
Aýñalmaýanym özümden görýän,
Bolmasa ,,ak" diýýän zatlarñam gara,
Ine görýämiñ?, Hatlarmam gara,
Diñe kagyz ak, onam garalap,
Öwürýän gara, süýşürip gyra,
Başymy ýaýkap, ýüregmi yrap,
Içimiñ içini tutýaryn çyra,
Aklyk göremok, görenlem gara,
Beýni iriñli, bagrymam gara,
Alla el serdim, ,,maña el ber diýip"
El-ä gelmedi, gelmedi wahy,
Ýöne gursagymda giñlik döredi,
Belki şol akdyr.
Meñ gözleýän a:gym üýtgeşik a:kdy,
Üýtgeşik zatdy, üýtgeşik zatdan,
Asmana bakdym, ýyldyrym çakdy...

Awtory: Baýram Bejidow