DÖWLER

Gadym dünýä gidip urupdyr ogry
Döwleriň altynyn, laglyn, göwherin.
— Senden dynmak ýog-ow Adamyň ogly! —
Gözlerinden gan syçrapdyr döwleriň.

— Haw, sakman döw, saňa niçik döw çaldy,
Unutdyňmy ýa döwleriň adatyn?
Ukuda-da, oýa çagam döw halky
Bir menzilden ysyn alýar adamyň! —

Janyň alaýjaklar garawul döwüň.
— Hazynany adam nädip ýardy hä?
— Haw, doganlar, adamsynda bu döwrüň
Adam ysy barmy nä?!

Nobatguly REJEPOW

File engine/modules/thanks.php not found.