Bolup bilmedi.
Durmuşa düşünýär kynçylyk çeken,
Şol kynçylyk çeken gülüp bilmedi.
Adamy köp söýseň ýigrenýär eken,
Hiç kimem bolşum deý bolup bilmedi.

Ünsüň nirde bolsa, güýç şol ýerdedir,
Hemme adamlara edipdim hödür,
Şatlykly ýylgyryş, ummasyz gadyr,
Bir hormatyň ýerin dolup bilmedi.

Iş düşmek her kimiň başyna geler,
Biz utulyp galdyk olar utdular,
Haýyşyn bitirdik soň unutdular,
Hiç gidenler yza dönüp bilmedi.

Käte gitmek gerek gadryň ýok ýerden,
Dawut hiç keýp diýip geçmegin serden,
Ýalňyş gürläp kalplar ýykyldy her dem,
Suwsan bu göwünler ganyp bilmedi.
Dawut Hojageldiýew.