Meni ýitirme

Sensizlikde agyr düşen aýralyk,
Nädip dolsun bu gussaly setirme.
Azaşdym dünýäde senden aýrylyp,
Özümi ýitirdim, meni ýitirme.

Bagly kalbym söýgüñ ýüpin dañyp dur,
Mähriñ bilen dolan gözleñ doñup dur,
Kemşeren dodaklañ kalbym dilip dur
Ýekeje haýyşym meni ýitirme.

Gysylan gursagmyñ üstünden basyp,
Diýdim:" Bu nä boluş özüñmi asyl?"
Senli hakydamy geçmişden asyp,
Gözle geljegiñden meni ýitirme.

Bilseñ, bir zatlara bolýar bu günler,
Ýykylypdyr köşge dönen köñüller,
Gömüldi kalbymda diri ölüler,
Men ýitdim, ýitirdim, meni ýitirme.

Jemşit Hajymämmedow

Ýitirmezlik üçin köp çekdim jepa
İnni ýaşym damýar ýazan setirme
Ýalbaryp her gije Biribar Haka
Men seni ýitirmen,senem ýitirme

Howwa,sensizlikde bagrymy dilýän
Belki de,kalpdan däl ýalandan gülýän
Her näm bolsa bolsun ýürekden söýýän
Men seni ýitirmen,senem ýitirme

Bu yşgyň ýolunda azaşdym eýýäm
Bilmerin bu ýolda men nirä barýan?!
Özün unutsada bu goja dünýäm
Söz seni ýitirmen,senem ýitirme

Aýralykda dälä dönsede başym
Ýassygy her gije ezsede ýaşym
Men özüm ýitirdim,senden haýyşym
Ýalbarýaryn sen hem meni ýitirme

Göwher Şyhberdiýewa