NIRELERDE OL?

Günbatardan batly öwüsýän şemal,
Seniň salamyňy getirdi ýene.
Ýangynly ýüregim,
Goragol hyýal,
Ony göz öňümden geçirde ýene.

Geldi göz öňüme ýürek ýangynym,
Ullakan gözleri kiçeltdi meni.
Ony söýüp yşk közünde ýandygym,
Wah şonda-da gowy görýärin ony.

Neneň söýdüm ony?
Nüçün söýýärin?
"Boldy köşeş" diýip batlandy bu ýel.
Bir ýerlerde bardygyny duýýaryn,
Soradym dünýeden "Nirelerde ol?"

Ýyldyzlar ýylgyrşdy "Bellendi" diýip,
Guşlar jürküldeşdi "Ol geldi" diýip,
Gör-ä Günem ýaşdy "Eglendi" diýip,
Şagallar uwlaşdy "Ol öldi" diýip.

Aýtsana eý bürgüt nirelerde ol ?!

(04.05.2023)

© Gerçeknazar AMANNAZAROW.