Serhedin penalap, ene topragyñ,
Goraýarys ele alyp ýaragy.
Harby gulluk parzdyr her bir ýigide,
Çünki, mukaddesdir Watan goragy.

Oguz hanyñ neslidir bu gerçekler,
Ýurdy üçin mydam janyn berjekler,
Dagda-düzde ýören hem-de ýörjekler,
Bagtdyr mert ýigide Watan goragy.

Ýurdum bar, parahat hem-de asuda,
Ýaşyl tugym belentlerde pasyrdar,
Gulluk etmek buýsanç Altyn Asyrda,
Çünki bu türkmeniñ Watan goragy.

Kasam etdik eli ýürege goýup,
Dönmeris bu ýoldan, bolmarys gaýyp,
Gülüp bakýar gün hem şöhlesin çoýup,
Bu ajaýyp gorag - Watan goragy.

Jan Watanym, sensiñ dilimde senam,
Bolýarys biz, döwlet serhede pena,
Deñelýär bu toprak mähriban enä,
Şeýle mukaddesdir Watan goragy.

Kiçi seržant: S.Döwletow