Şondanam bir kär bolarmy?

"Ýadaňokmy goşgy düzüp?
Şondanam bir kär bolarmy?"
"Näçeräk gazanýaň ýazyp?
Şondanam bir kär bolarmy ? "

"Kösenmegin balyk tutup,
Ekin ekip hem mal bakyp,
Başlyklaryň gepin çekip,
Şondanam bir kär bolarmy ? "

"Alýaň satýaň, satýaň alýaň,
Köp zadyňy karz berýäň,
Onsoň neneň peýda görýäň?
Şondanam bir kär bolarmy ? "

"Gezip iliň howlusynda,
Jaýlaryny gowlasaňda,
Öz öýüňi gowla gelde,
Şondanam bir kär bolarmy ? "

"Her gün işe gelýäň, gidýäň,
Aýlygyň ýoluňa gidýär,
Ol aýlygyň nämä ýetýär?
Şondanam bir kär bolarmy ? "

Hemme gazançly iş etjek,
Agyr işler kime ýetjek?
Barymyz ýeňil iş etsek,
Döwlet berkarar bolarmy?

(16.03.2023)

© Gerçeknazar AMANNAZAROW