Men öýkeledim,
Sen ilkinji gezek, "Söýýän" diýeňde.
Men öýkeledim,
Üstüme ýagyş deý mähir guýaňda.

Men öýkeledim,
Halym günde soranyňda,
Ýaman gözden goranyňda,
Mylakatly garanyňda,
Döwük kalby saranyňda,
Bagt nyşanlap ýöräniňde,
Öýkeledim.

Ynha-da baryja näz eden bolşum,
Bildirýärdim söýýänimi öýkeläp.
Senem bilip göwne alman öýkämi,
Diýerdiň, degişip:"Geljekki öýdäki,
Bagta ýetmeli biz öýkeleşmäli!"
Ana, şeýdip oýna ýazyp ählisin,
Gereksiz öýkeleň barysyn çekdiň,
Ýöne, näme, ahyrsoňy, eý ýigit!
Maňlaýa ýazylan bagt bolup çykdyň.

Uzuk NOWRUZOWA