Agla kalbym, aglamakdan ýadama

Ýalançy panyda ýene ynanyp,
Özüm ýaly öýtdüm her bir adama.
Iñ soñunda özüm ýene gynanyp,
Agla kalbym, aglamakdan ýadama.

Durmuş ahwalaty egdirse başym,
Kömek üçin ýetmediler dadyma.
Damsa damsyn ýere siñer göz ýaşym,
Agla kalbym, aglamakdan ýadama.

Ýaşa siñen ýassyklarym subudy,
Dert goşdular gülsem göwün şadyma.
Ýatyr yerde bagt atly guburym,
Agla kalbym, aglamakdan ýadama.

Geçdi günler aýlap çarhypelegin,
Şol pursadym hiç düşmesin ýadyma.
Megerem oýnudyr zemin pelegiñ,
Agla kalbym, aglamakdan ýadama.

Asman aglar, şol gussama seretse,
Ykbal büdretmesin bagtyñ badyna.
Kän diýdiler: "Aglama, goý, neresse"
Agla kalbym, aglamakdan ýadama.

File engine/modules/thanks.php not found.