Diýaryň waspy.

(Diýarda"Diýaryň waspy" atly bäsleşige)

Ilki tebigata berip salamy,
Giň meýdana goýbereýin erkimi.
Alyp ele kagyz bilen galamy,
Wasp edeýin gül diýaryň görküni.

Gözel ülkäm gözellige örän baý.
Göwnüňi göterýär ýazyň howasy.
Gözel ülkäm, saňa asla bolmaz taý.
Seriňi sämedýär gülleriň ysy.

Gör täsin tebigat göwnüňi açýar,
Asmandan lowurdap Gün nurun saçýar.
Kebelekler gülden-güle pyrlanýar,
Çeşme çaýlar akdygyça durlanýar.

Dagyň eteginde dyzyma çöküp,
Otyryn daglaryň suratyn çekip.
Açyk gök reňkde owadan daglar,
Ýaşyk  geýimini geýipdir baglar.

Döredibermeli bir täsin sungat,
Tebigat bagş edýär günde bir surat.
Aýlansam aýaňda artýar ylhamym,
Derde ýolugsamda sensiň melhemim.

Ýatsamda ýataýyn seniň goýnuňda,
Ýitsemde ýiteýin seniň goýnuňda.
Seň goýnuňda çaga kimin ýaýnaýyn,
Bulutlardan şekil ýasap oýnaýyn.

Dagyň depesinde lowurdap şapak,
Bulutlar hem göýä gyrmyzy ýüpek.
Asmana görk berip gyzaryp dur ol,
Inçe sapak kimin uzalyp dur ol.

Ondan soňra Güneş daga girende,
Guşlar nagma kakyp baga girende.
Asmandaky şapak gyzaryp barha,
Asmanyň ýüzüne uzalyp barýar.

Ýaşaýan ,ýazýaryn watanmy söýüp,
Eşretli eýýamyň eşretin duýup.
Synlap gözelldigi asla doýma ýok,
Jan watanym !
Waspyň dilden goýma ýok.

© Gerçeknazar AMANNAZAROW.