Saglyk gerek
Saglykdyr sözleriň başy,
Ol ýaşaýşyň göwher gaşy,
Allam berse ýüzläp ýaşy,
Ýaşamaga saglyk gerek.

Dert egsilmez derdinenňe,
Umyt bardyr her demiňde,
Ýazgyt ýükün gerdeniňde,
Daşamaga saglyk gerek.

Saglyk bolsa bolmaz gussa,
Saglyk gadryn biler hassa,
Şatlyk paýlap desse-desse,
Ýaşlanmaga saglyk gerek.

Söýgä besläp ömürleri ,
Çöz aradan düwünleri,
Açyp birdem göwünleri,
Hoşlamaga saglyk gerek.

Goý bolmasyn şöhrat şanyň,
Baýlygyňdyr sagat janyň,
Gazanmaga halal nanyň,
Işlemäge saglyk gerek.

Dert ýyksada içden daşdan,
Doýma ýokdur bu durmuşdan,
Barysyny ýene başdan,
Başlamaga saglyk gerek.

File engine/modules/thanks.php not found.