Okamaly.

Hemmeleriň maslahaty,
Okamaly , okamaly .
Maslahatlaryň aňsady,
Okamaly , okamaly .

Hakykatmy ýa-da gahat?
Söz, söze gelenok gabat,
Kitap nyrhy elli manat,
Okamaly , okamaly .

Kitap almak hökman däl-ä,
Elektron kitap bar-a,
Ony okap bolduk kör-ä,
Okamaly , okamaly .

Rus dilini öwrendiňmi?
Iňlis dilni öwrendiňmi ?
Ýapon dilni öwrendiňmi ?
Okamaly , okamaly .

Uzakly gün ekin ekip,
Işe gidip, zähmet çekip,
Hem ýene-de wagt tapyp ,
Okamaly , okamaly .

Bar kitaby ýanyyňa al,
Hemmesini okajak bol,
Hem özüňi dertlere sal,
Okamaly , okamaly .

"Okamaly " diýýäňiz siz,
Okap näme gazandyk biz?!
Ine gezip ýörüs işsiz,
Okamaly , okamaly .

Gerçeknazar Amannazarow.

File engine/modules/thanks.php not found.