Hyýal guşym mydam bir näzli ýarda,
Ilkinji söýgim düşende ýada,
Wah, men jan serek iki arada,
Meniň jigerimi ýakan söýgimi?

Ömrümiň manysyn tapan halatym,
Uça bilmän galdy goşa ganatym,
Ylgadym yzynda nowjuwan wagtym,
Maňa aşyk adyň dakan söýgimi ?

Jigerde daglanyp jepa çekenim,
Yşgynda hemişe dyza çökenim,
Giç açyldy meniň bagda ekenim,
Sil bolup kalbyma akan söýgimi?

Joşdurdy kalbymy ol Hakyň göhi,
Duýmadym dawany jenjeli gohy,
Tutaşyp zemine aşyklaň ahy,
Ýyldyrym deý uçgun çakan söýgimi?

Sapargeldi Gummanow