Tak tak eziz Allam men geldim ýene,
Kötel ýollaryňda ýykyldym ýere,
Sabr edip ýadadym ýüregim ýara,
Sygynara özge hossar tapmadym.

Agyr günde galsaň daşlaşýar hemme,
Adamyň gadryny ölçeýär teňňe,
Ýürekler bolupdyr bir gury töňňe,
Derdim paýlaşara dostýar tapmadym.

Zandy ýaman özi tapar ýagsyny,
Kadyr Allam özüň bilýäň gowsuny,
Her ynsanyň ýeňip gara nebsini,
Ýagşy işler üçin gyssan tapmadym.

Öz gapyňdan boş gaýtarma ellerim,
Açylmanka soldurma sen güllerim,
Adyň sena edip saýrar dillerim,
Huzuryňdeý bagy bossan tapmadym.

Süleýman Tekäýew

File engine/modules/thanks.php not found.